汤洛雯睇穿马国明真面目 随时旅行结婚

etin

艺人汤洛雯（靓汤）主演电影《忽然心动》昨晚（7日）首映，略作性感打扮的她，到场即成焦点。谈到刚从日本旅行返港，靓汤直认与男友马国明同行，记者打趣问是否造人成功，她笑言：“玩得好成功就真。我哋一齐两年几，都系首次一齐去旅行，人哋话一齐去旅行可以见到彼此真面目。（咁你发现咗佢啲乜？）睇到佢更好嘅地方，尤其佢个人冇乜所谓。我锺意Plan行程，佢就乜都得，又会帮我拎嘢！（感情升温？）一向冇跌过！”

​她透露已有计划再跟男友去第二次旅行：“想去阳光与海滩，又或者系大家读大学嘅地方，不过佢比较忙。（有投诉呀？）唔会，佢忙啲应该嘅。”记者“乘胜追击”追问二人婚事，她大方表示：“有共识嘞，依家疫情减退，随时会发生。（明年？）唔排除，决定咗会同大家讲。（旅行结婚？）通咗关，机会好大！”她冧爆指今次旅行发现男友摄影技术有进步：“佢仲全程揸车。（事后帮佢按摩？）佢怕被人抓痒处呀。佢今晚都会嚟睇戏支持。（唔怕佢睇到你啲亲热戏呷醋？）唔惊，我最多都系拖手啫，况且佢拍呢啲戏仲多过我。（唔畀你拍咀戏？）我拍得最多咪喺剧集《心理追凶》嗰时啰，都系同佢拍。”