传《新四十二章》“翻生” 龚嘉欣有机圆视后梦

etin

原本安排喺台庆前、11月时候播出由龚嘉欣主演嘅《新四十二章》，但因与内地同步播出，未及取得内地批文，故由《法证先锋V》取代播映，更带挈担正《法证V》嘅蔡思贝再次冲击视后宝座。估唔到事隔几日，有传《新》依然可以赶得切今年上架，暂定档于12月5日，接替《超能使者》。虽然已经唔系台庆剧，但仍有大机会列入下年年初举行嘅《万千星辉颁奖典礼2022》候选名单，本身同“视后”无缘嘅龚嘉欣随时再叫尾糊，一圆美梦。而今次佢喺新剧《新》中饰演力大无穷猪肉妹，虽然黐胡黐到烂面，但成功解锁学识斩猪肉，形象突出，令人期待。