钟嘉欣细女家中出世 跟阿妈改名叫Linda：一家五口

etin

艺人钟嘉欣早前喺加拿大温哥华为第三胎BB休养，估唔到一转眼B女已经出世。佢昨日（27日）就晒出佢同爱女嘅合照，佢仲自爆今次系“home birth”，即系BB系喺家中生产，而且仲系天秤座BB，推算阿女出世已有好几日，甚至一个月。先后为老公诞下一子两女嘅佢，虽然系素颜出镜，不过气色相当好，仲透露阿女改名做Anika Linda Leung，其中middle name更加系同妈咪嘅英文名一模一样，认真sweet爆！

见囡囡一出世就有浓密又乌黑嘅头发，仲系体重7磅8嘅巨B，同佢家姐更加系饼印一样，尽得华姐妈咪嘅好基因，而钟嘉欣则亲吻爱女面珠，自爆冇第一时间通知大家，系想搞掂晒先宣布好消息：“想同大家介绍家中新成员，Anika Linda Leung. 我哋依家正式系一家五口喇因为我哋想全力照顾好囡囡，所以先未有即时同大家公布喜讯，望大家见谅 ​。