机场连番被捕获！陈伟霆被粉丝赞劲Nice

etin

型男陈伟霆 （William）早前由香港起程往马来西亚拍摄电影《爆裂点》，经过连日赶工后，话咁快拍完，日前有粉丝在马国机杨野生捕获男神。嗰位粉丝话William同行有两位推住行李嘅助手，更有一位外籍人士为佢哋开路，见佢哋行色匆匆，相信好赶时间入闸，不过一向亲民嘅佢，沿途都有同相遇嘅粉丝用眼神打招呼，好鬼nice，更发现佢零架子，会亲口推开阻住佢嘅行李车，唔会只识翘埋只手做大爷。

当佢哋一行人返到香港后，又有粉丝将佢哋抵港嘅情况放上网，而最令粉丝最开心系，William搭完几个钟头飞机，再加上过关、检疫，舟车劳顿咁都应该几攰吓，照道理佢应该赶住返屋企好好休息，但佢见粉丝追佢追到停车场，已经上埋车嘅佢，冇话连讲声bye bye都悭番就闩车门，仲好有耐性咁逐一帮啲粉丝签名，真系好人到冇朋友。​William亦喺社交网分享佢完成马来西亚外景嘅心情：“杀青了，百般滋味在心头，梦想的导演、梦想的影帝对手，梦幻的旅程，让我沉醉其中，但愿永不醒来。”