香港小姐再竞选︱麦皓儿一年激减40磅 回复24吋纤腰应战

etin

港姐出身嘅艺人麦皓儿近日参加无綫真人骚《香港小姐再竞选》，亦系候选佳丽中年纪最大一位，但佢不但Keep住童颜，拍埋去其他20出头嘅佳丽完全零违和，昔日曾身形暴涨、体重高峰期一度达145磅嘅佢更瘦出新高度，然保持住24吋纤腰，仲喺一年内减足超过40磅，今次更以泳衣及运动Bra Top上阵大晒收身成果，佢表示：“我主要做运动、冇乜节食，咁可以更有效提升代谢率，除咗每日做两至三个钟带氧运动，仲额外会做肌肉训练。”

​而早前透露出歌圆梦成乐坛新人嘅佢，更喺才艺表演环节又唱又跳，展现唱功技惊四座，佢感激男友“葱头”丘梓谦给予不少实际支持：“今次我才艺表演系跳唱，我自己练习时，佢有提点我边啲动作会Smooth啲、好睇啲。同埋佢再冇引诱我食嘢，佢系油浸都唔肥嘅类型，之前成日话煮消夜畀我食。”不过其实佢初时对比赛略带犹豫，后来竟因皮肤关系获制作组睇中及支持参选：“佢哋话我啲皮肤好年轻喎，都多谢佢哋。”