睡衣Look做生招牌 沈月罕见素颜够清纯

etin

性感女神邱淑贞大女沈月出名同阿妈饼印一样，因而被称为“最美星二代”，唔只靓样似到足，就连身材都系咁吸睛，细细个就已经系唔少人嘅女神。平时佢见人都盛装打扮，由公主Look到行街放狗嘅打扮都有睇头，近日佢就鲜有晒出素颜相，见佢以大Tee衬松身裤，一睇就系睡衣Look，估唔到搣甩索味嘅佢，反而有种纯情少女味，同大家熟悉嘅性感Big爆形象唔同晒，难怪网友同样Like爆，大赞佢唔化妆都咁靓靓，仲好有“女友”味道更贴地。而佢一身嘅衣着原来系出自爸爸嘅时装店，睇嚟佢晒靓相之馀，仲做埋生招牌，等大家轻轻松松就可以get佢嘅同款睡衣。