黄翠如生日派水着福利 老公萧正楠放闪光弹庆祝

etin

艺人萧正楠同老婆黄翠如一向恩爱，不过婚后佢哋都专心工作，一个返内地搵银，一个就飞敍利亚拍摄旅游节目，搞到要“Long D”，好彩一星期前佢哋终于重聚，令唔少粉丝都好戥佢哋开心。​而日前（23日）系黄翠如嘅41岁生日，老公萧正楠就喺社交网大派闪光弹，见佢哋两公婆面贴面兼笑到唔见眼，非常Sweet！萧正楠写到：“型仔与寿星女，型开嘅继续型，寿星嘅更加寿星。”而寿星女黄翠如昨日（24日）就罕晒水着靓相，见佢着上黑白格仔泳衣，摆出各种诱人Pose，相当靓女。佢喺贴文写到：“岁月静好，浅笑前行，不紧不慢，不慌不忙。谢谢所有爱，生日快乐。”