上天台吸阳气 陈若仪揭林志颖快速康复秘方

etin

艺人林志颖经历近3个月嘅治疗休养，严重车祸后都已经好得七七八八，仲行得走得，反而康复之快令人惊讶，原来佢养身有道，老婆陈若仪仲透露夫妻日常，当中就揭开林志颖极速康复嘅“秘方”！陈若仪喺社交平台分享佢同林志颖嘅居家日常，佢透露佢哋成日喺中午时间，佢同林志颖都会齐齐上豪宅顶楼晒太阳，称得闲无事晒太阳对气场同身体都好好，帮助受伤骨骼加速痊愈。众所周知，晒太阳可以畀身体自行生成维他命D及钙质，不过就要喺唔搽防晒嘅状态下晒20分钟以上，身体先吸收到足够嘅“阳气”，唔知佢哋依家咁晒法，会唔会下次见人林志颖就会变晒小麦肤色呢？