古天乐生日获赠盔甲头盔蛋榚 余香凝出动囡囡贺寿

etin

影帝古天乐（古仔）日前（21日）52岁生日，昨午（22日）再次出席戏院谢票，旗下艺人余香凝、廖子妤及ANSONBEAN（陈毅燊）等“玩惊喜”现身贺寿。其公司台前幕后推出盔甲头盔蛋榚送予寿星仔，而10月26日56岁生日的姜皓文亦获坦克车蛋榚，场面相当热闹。

古仔甫现身即拿起咪高峰向大家说：“头先我都见到有啲同事入咗嚟，系估唔到咁多人啫。多谢大家嘅付出，希望日后㩗手再创高峰。”他事后受访慨叹疫情令其公司数年未有类似活动：“其实嚟紧公司10周年，真系好想认认真真搞个春茗，但都要睇政策。（10年最大嘅满足系乜？）公司愈来愈多年轻人，希望嚟紧帮下一代开创全球市场。好似《明日战记》呢类型片种系要开创，但都要全公司一齐努力。”

谈到日前应小粉丝通电，他说：“其实最近都接到好多小朋友话畀我嘅画，只系呢位小粉丝问嘅嘢比较得意，我都应承咗佢迟啲带佢参观我嘅收藏。佢话嫲嫲煮嘅饭最好味，我都觉得屋企人煮最得，因为都食惯咗嗰种味道。”他又否认《饭戏攻心》同时间谢票“打对台”：“谢票都通常都系周末。（惊唔惊《明》片被对方超越？）边套好都开心嘅。”

另外，余香凝出动囡囡贺寿：“我教佢录咗条声畀老板（古仔），祝佢生日快乐。”至于身为古子铁粉的廖子妤则说：“以前喺马来西亚，知道古生嚟宣传，我会打电话去电台抽入场券，试过有一次抽中，点知主持人话我冇熄收音机收咗我线！我都系入行先正式见到古生，但喺佢面前要保持冷静。（想同佢拍爱情片？）谂都唔敢谂，惊亵渎呀。”