“细龙太”陈思圻喺无綫10年零底薪 靠前辈畀Job维持生计

etin

34E咪神陈思圻（前名陈伟琪）演剧集《爱．回家之开心速递》“细龙太”一角而成功入屋，佢上年离巢无綫，回复自由身后曾为唔同电视台嘅节目演出，佢受访时提到当日佢约满嗰阵，无綫并冇打算同佢续约，于是佢就离开咗呢个工作咗10年嘅公司，佢表示多年嚟喺无綫一直都系零底薪，喺离巢前试过有1年只系接咗2个骚，要靠骚钱以及喺外边接工作赚外快，先足够应付日常生活开支，有时仲要靠前辈分啲司仪工作畀佢嚟帮补生计，所以佢嘅收入好唔稳定，佢有挣扎过好唔好继续做娱乐圈，会谂自己可能唔适合做呢行，市道不景加上疫情令佢都有担心之后嘅发展。