艺人蒋家旻昨日(18日)为剧集《美丽战场》宣传,凭“反骨琪”一角而大获好评的她表示角色会一直奸到尾:“初时好开心,收到留言话我好奸,后来有啲负面情绪,啲人以为我真人都系咁奸,连我表哥睇咗一星期后话我太奸,要弃剧,我觉得佢有冇搞错。(因为压力太大睇中医?)冇,我向来有定时睇中医理调身体。以往一有压力就有湿疹,但拍呢套剧冇发作。” ​问到会否希望获奖?她认为奖项随缘,以前遇到有发挥的角色会很紧张,今次反而以平常心轻松面对:“希望入到女配角及最喜爱角色5强。(你咁奸仲入最喜爱角色?)唔介意公司增设最乞人憎角色奖,如果有,我就实至名归。”对于有内地网评《美丽战场》为史上最差港剧,而陈滢更被指是最大败笔,她坦言没有留意,认为可能大家口味不同:“总有人唔锺意呢类争斗剧,但我哋觉得几好,好耐冇一班年轻人去做争斗剧,陈滢做得好好,唔系拍佢时,佢都交足戏畀我,希望大家畀啲耐性,陈滢到选姐就会黑化。”
|