许廷铿结婚先买表 余香凝丧食唔肥全靠囡囡

etin

2022东方表行沙田锦标“时尚煲呔赛马日”昨日（16日）假沙田马场举行，由东方表行有限公司董事总经理杨衍杰，及香港赛马会管理层联同许廷铿（Alfred）及余香凝（Jennifer）主持揭幕仪式，Alfred更获大会送赠名表。

讲到手表收藏，Alfred透露近年跟手表甚有渊源：“近年多咗同品牌合作，我年底有个音乐会，其中一个赞助商都喺度，今日都好开心收到只新表，我最贵嘅手表唔系自己买，而系客户送，我自己唔系好舍得买，想喺人生里程碑先买只手表畀自己，但人生仲未有里程碑，所以要加油。（点先算人生里程碑？）可能结婚啩！”Jennifer自言下年踏入3字头，认为算是人生里程碑，已正在物色名表送自己：“作为纪念又好，将来留畀囡囡又好。（自己畀钱定老公畀钱？）希望系自己，想自己送畀自己，但我唔介意佢送多只畀我。其实我依家买乜都系谂住将来留畀个女，畀个借口嚟满足自己嘅购物欲。（囡囡会唔会攞你啲表嚟玩？）佢见到闪令令就好锺意，我话将来系留畀你。”

Jennifer早前到韩国首尔出席《光影浪潮香港电影新动力》活动，她坦言虽然心挂挂女儿，但同时很开心有属于自己的时间：“觉得好轻松，已经两三年冇去旅行。”她笑言虽然在吃韩国放肆吃喝，但身形完全没有走样，都是拜女儿所赐：“时装设计师话我身形仲Fit过之前，我早几日带囡囡去主题乐园玩，佢依家24磅，我抱足佢8个钟，所以我依家嘅身形都要多谢佢。”Alfred开玩笑指自己也要试试。

另外，Jennifer获提名金马奖最佳女配角，她称仍未知会否出席，因有可能要到美国工作，问到信心时，她坦言：“有提名已经好难得，我连提名都冇谂过，始终呢套系轻喜剧，有得入围已经好开心。”

Alfred最近进军影圈客串电影《深宵闪避球》，并跟好友郑欣宜饰演夫妇，他透露之前入场观看时，看到自己的演出也有点尴尬：“呢套系重口味喜剧，我同欣宜一出场就有激烈场面。其实我都想拍多啲戏，我都锺意拍喜剧，有谂过演啲变态角色，今次拍戏打开咗道新大门，希望电影界可以留意小弟，我虽然入行十几年但都只系初哥。”Jennifer认为Alfred适合演变态角色，因对方外表斯文，演反差大的角色会发挥更。

另外，江若琳（Elanne）、湛琪清（Jessica）与汤镇业的一对孖仔汤君慈与汤君耀担任模特儿，Elanne的老公萧唯展（Oscar）也有现身捧爱妻场。Elanne以大低V上阵，非常性感，她坦言：“好耐冇试过咁性感，我有自知之明，我身材唔出众，咁健康低调都可以。”提到夫妇俩刚由新加坡及泰国旅游回港，她笑言已在计划下个旅行：“其实每年生日佢都会带我去旅行，因为之前疫情所以冇去，佢想我今年生日开心啲，佢话就算要隔离都照去啦！”问到2人有否顺道造人时，Oscar即说：“唔系顺便，系专登，要约㗎！因为专登，所以咪冇成绩啰，下次唔可以咁刻意。”Elanne坦言一直有造人大计，但可能之前身心还未准备好，所以BB未有出现，认为现在是好时机，相信快会有BB，Oscar说：“好多人都话最重要系放松，我哋依家处于半放弃状态，咁样可能反而有。”Elanne指之前有计日子又看中医，但可能因压力大而未能成功造人。

另外，谈到工作，Elanne自言今年35岁，之前太多烦事要处理，看不到前路，现时终于可以自由飞翔：“咩工作都想试，睇吓搵唔搵到好嘅团队合作。（唔再签公司？）惊惊，或者要畀律师睇吓，其实依家有好多弹性嘅合作方式，有舒服啲嘅合作模式，唔一定要签畀一间公司。”

而Jessica自从去年底诞下女儿后鲜有现身公开活动，她表示：“依家囡囡10个月大，开始识行，我好紧张佢，所以好想留喺屋企，我以为我成日喺屋企佢会黐我多啲，但原来唔系，老公经常返工，囡囡一见佢放工，就会黐住佢，仲不停叫爸爸，我真系好呷醋，我个女连我妈咪爹哋都好黐，甚至对只狗都好锺意，我依家个地位排得好后，反而我今日化妆出去做嘢，囡囡见到会走过嚟黐住我，唔想我走。”她开玩笑指为得到女儿重视，要多出外工作。

而声梦歌手冼靖峰（Archie）获大会颁发“最佳煲呔衣着大奖”，他表示每逢大时大节也会跟朋友入马场碰碰运气，但笑言运气就麻麻。讲到获衣着奖，他谦称要多谢形象指导：“记得我第一次打煲呔系中学嘅毕业晚宴，因为平时著校服都要打呔，所以晚宴就选择打煲呔。”

另外，讲到工作，他透露最近忙录歌，但仍未知推出时间：“今次啲歌有啲难唱，所以比预期中花多咗时间录音，监制同我讲，你今日唱得好过之前，不过再补录过几句，而且佢想我试吓用外国歌手嘅唱腔去演绎，所以都花咗啲时间去模索。”