无綫视后杨茜尧胞姐杨卓娜接受电台访问时,谈及当年与杨思琦参选港姐,被视为三大热门之一,不过最终倒灶,她说:“那年参选只是不想过刻板生活,我由细到大零自信,碰到难题只会惊及逃避。当年与思琦妹被推为三甲大热时,是曾想过会入围三甲。” ​可是当年选港姐爆出批肘事件,矛头直指她致信心崩溃:“当时喺日本,传媒点名我哋三个热门出来影相,我因为动作太大,手肘撞到思琦妹,之后就不停指我有几衰、又批肘、又同所有佳丽不和。每日大大版报道令我好惊,心理平衡唔到,只懂匿埋唔敢同保母讲。之后再去韩国亦唔开心,又冻又要着三点式,想瑟缩一角,又被写成孤独精,直觉呢行好黑暗好想退选,落败系因为根本冇信心。其实我同思琦妹好好,到今日仍有联络。”
她坦言入行初期,曾试过多年月入6千,月花2千的生活,但感激妹妹杨茜尧多年来扛起全家开支,亦对父母感到愧疚。她感触泪崩说:“我唔想每次访问讲起呢啲话题都喊……你讲得啱!我一直逃避问题……但我真系好内疚,甚至对我养父都系,因为我未有供养佢已经离世。所以,依家我嘅目标系努力工作、赚多啲钱,我妈妈行得走得都系靠妹妹照顾,我希望他朝有一日,我有能力照顾番佢。”
而谈及与“灯箱大王”杨志翘的多年情,与男方未婚怀孕育有一女,她表示曾逃避对方追求:“佢两个女系我做手工艺老师嘅首批学生,最初佢追求我嗰阵,我拒绝好多次。因我系好简单嘅人,最怕复杂。首先系佢前妻离世有两个女,我既系老师,又唔知点做继母,另外我当时有一个交住十一年但冇感情嘅男友。我哋足足拖拉咗一年几,人就系犯贱,到佢放弃想做番朋友,我先认清佢系soul mate,我亦很感激佢同家人,将好多我以为好复杂嘅问题变得简单。”与两继女相处融洽,关系俨如朋友,问她怎让继女接受自己,她哽咽感动说:“最初都小心,我冇要求佢哋叫我做妈咪,系佢哋主动同爸爸讲:‘我唔想再叫Miss Yeung,想叫妈咪!’我好感动我嘅默默付出,小朋友系见到同感受到。”至于为何二人至今仍未注册结婚,她透露另一半已求婚多次,现只欠手续,她亦希望男友再精心炮制一次浪漫求婚,让她毕生难忘。
|