爆陈滢补妆拒排戏 方力申拍到有火：滢姐好嘢！

etin

方力申与绯闻女友陈滢在新剧《美丽战场》饰演一对，话题十足，小方指2人太熟，连拍咀戏都零尴尬，相处非常直接；又以“滢姐”称呼对方，踢爆有次要求对戏竟遭对方“弹钟”！对于小方的“申诉”，陈滢笑言怎会拒绝“方爷”，只是以“黑化Tone”开玩笑，叫大家不要认真。

​小方与导演叶念琛在多套电影合作无间，今次跳入公仔箱拍摄无綫台庆剧《美丽战场》，导演找他饰演富家子，更安排传绯闻的陈滢与他饰演一对，再续前缘。小方接受访问时，笑言与陈滢相当有火花：“之前有绯闻，拍嘅时候都会有啲话题，观众可能想睇我哋发展成点，对观众代入有好处。”

由于双方太熟，小方笑言无论对手戏以至亲热戏也不会尴尬，更自爆“惨食柠檬”，并以“滢姐”称呼对方，他笑说：“导演都嗌佢做滢姐，叫得阿姐都有啲派头，有次同佢对戏对咗一次，再想对多次，佢话‘你仲想对呀？我要补妆喎！我唔会改对白㗎喇！你可唔可以搵同事对呀！’嗰一刻觉得‘滢姐好嘢喎’！”小方指2人实在太熟，相处直来直往，亦明白对方的角色情感起伏大，需要较多时间休息：“佢哋啲戏强度好大，我嘅戏份只系佢哋五分之一。”

剧中他力追陈滢，最终修成正果成为夫妻，谈及现实中绯闻又有否机会成为美事？他即“落闸”说：“现阶段大家冇呢个倾向，大家都系好朋友阶段。”他当绯闻是工作一部分，只要不影响人格就可以接受：“传拍拖冇乜嘢，男未婚女未嫁，最多都系话你风流啫！唔系下流就得。”

对于小方称呼自己做“滢姐”及爆她“唔肯对戏”，陈滢大感冤枉，笑说：“点敢系滢姐呀！方哥、方爷，佢讲嗰段戏，我有同佢排㗎！只系拍开黑化戏，用咗黑化Tone，凶佢嚟讲笑啫！点可能唔同佢排戏！只系呢场戏系嗌交离婚戏，排嘅时候都几伤神同用力，所以先同佢讲笑叫佢搵同事排，大家唔好咁认真，我唔系滢姐呀！”