视后唐诗咏客串《美丽战场》 赞陈滢演技有进步

etin

无綫热播剧《美丽战场》前晚（12日）的焦点，是饰演“赵生”麦秋生太太“赵太”的唐诗咏，跟“家宝”陈滢的一场“讲数戏”。剧情讲述唐诗咏解雇补习老师陈滢并说：“因为你睇咗一啲你唔应该睇到嘅嘢。”背后原因是陈滢手持麦秋成的偷食证据并勒索30万元，麦秋成向唐诗咏自首后，唐诗咏为护夫即出手。

唐诗咏向陈滢讲到明：“你估我第一次知道我老公拖住第二个女人？咁多年佢出面有几多女人，我会唔知道咩？”又指解雇她是因为知道麦秋生对她有意思：“我好了解你呢啲表面好纯情，但里面充满住机心嘅女仔”、“唔使再摆你呢个无辜样喇，如果你真系清高，点解问我老公攞钱？”这幕“讲数戏”迅即成网民热话，并大赞唐诗咏今次升呢饰“妈咪”有道理：“唐诗咏宣萱上身？”、“成套剧最醒女人系唐C”、“唐C演阿太、妈妈角色啱番佢年纪，睇得几舒服”。

唐诗咏特别为《美》剧客串，是因支持相识接近15年的叶念琛，当年是合作电影《我的最爱》结缘，她大赞叶念琛对她十分照顾，并答应让她一日内完成所有拍摄。早前她接受无綫娱乐新闻台访问时，直指叶念琛找她演“赵太”，因觉得她够恶：“佢成日话我好恶，应该畀人见到呢一面喎。”大赞角色够寸又好玩的她，说拍前做了数天功课：“试咗几种唔同嘅演绎方 法，去搵点样最好睇。叶念琛佢肯畀演员啲未过嘅嘢，所以佢搵我时我一口答应。”她更赞陈滢演技有进步：“我觉得佢收放自如咗好多！”而叶念琛则说曾为“赵太”选角感烦恼：“我想搵一个大家唔系咁熟悉嘅面孔，麦秋成佢冇同诗咏合作过，同埋佢身份年纪都啱个角色。”