资深艺人胡枫将于下月19日举行《胡枫约你开心派对2021》演唱会,以89岁之龄打破他3年前创下红馆年纪最高开骚的艺人纪录。虽然距离演出仅1个月,但日前他受访时表现轻松,表示个唱因疫情已延期逾1年,现时终于如愿,心情既开心又期待,并预告届时表演30多首歌曲。对于只开1场演唱会,他表示要睇观众反应,若然受欢迎,待疫情稳定后加开一场:“就算唔开演唱会都日日唱,一路行一路唱,希望90岁再开,有几多岁就唱到几多岁啦!”
有“舞王修”之称的他透露今次未准备骚舞技:“以前唔难,依家难啲,所以多数都唔会点跳,几步郁吓啦!但会努力背歌词,尽量唔睇大萤幕‘猫纸’。(到时有咩嘉宾?)我碌爆晒人情卡,唔好意思开口请,因为古天乐、Twins等几十个艺人都做过晒。(你开到口,啲契仔女就嚟啦!)虽然系咁讲,一次、两次都系咁,契爷都系咁话,我面皮薄,所以交畀主办方搞。(体力应付到?)唱歌嚟讲唔辛苦,仲好开心添。”并笑言已叫了6位孙仔隔空拍片录两首歌,准备于个唱上播放,作为送给他的礼物:“佢哋合唱畀我听,几个孙分别喺英国、加拿大、香港,到时会Group埋一齐Jam。”​
|