由邱德根兒子邱達昌、何超瓊、富力地產主席李思廉及弘毅投資成立嘅永升(亞洲),今日介紹其開設本地免費電視台的計劃。亞視發言人表示,亞視未來將作多方位發展,包括積極考慮申請免費電視牌照,以及發展衛星電視及網絡電視,並將招聘各型人才以應付發展所需。而有關公司股權轉讓事,正在進行中,待手續完成後將作正式公布。
而公司擬提供三個節目頻道,包括廣東話嘅「新亞高清台」,提供綜合娛樂頻道,包括劇集、實況節目等,並提供新聞和時事節目;另外亦提供英語嘅「新亞國際台」,主要提供國際金融及財經新聞;「新亞體育台」為之前並未提及嘅頻道,將播放極限運動和大型體育賽事等。
自由身嘅楊思琦經常都要返內地拍劇、登台,對於永升(亞洲)有限公司入紙申請免費電視牌照,思琦今日接受《蘋果》電話訪問都好贊成,佢話﹕「都好呀,市場要多啲競爭先有進步,令演員同幕後人員都有更多出路,可以百花齊放。始終做演員都係鍾意演戲,如果香港有多啲機會做,咁我都可以多啲留喺香港發展,方便照顧個女,始終香港都係自己屋企。」
|