张卫健恨生多啲头发 当BIG FOUR兄弟系“小天使”

etin

艺人张卫健（Dicky）、伍富穚及林奕匡等昨晚为慈善活动担任表演嘉宾。向来善心爆棚的Dicky，表示只要觉得值得，即使到街上卖旗也可以，他认为每个人生命中都必定会遇上小天使帮助自己，只要拿出自己能付出的，不管是金钱、时间、天赋和技能去帮助别人，大家一样会成为他人的小天使，他説：“大家如果用自己多咗少少嘅嘢出嚟去帮人，个世界会好美好！”问到他最多是那一样？他搞笑自嘲説：“最多？不如讲最恨会多咗嘅…头发啦梗系，哈哈！我到今时今日都系，有时见阿妈睇韩剧，见啲阿叔啲头发多到呢，好靓呀！”他又忆起20多岁时，在街上看见其他人头发浓密，会默默希望对方将头发让给他，但现在已不会计较，觉得无论长甚么外型，也是自己的一个独特形象。Dicky表示自己生命中也出现过很多小天使，例如Big Four的3位好兄弟许志安、苏永康及梁汉文就是自己的小天使：“喺我不同时候，畀到我不同嘅鼓励同帮助，但亦都系我嘅魔鬼嚟，引诱过我啲乜嘢就唔讲啦，哈哈！”他指几位兄弟经常邀他“唱K”，笑称虽然自己也爱出街，但几位兄弟都酒量好爱品酒，自己每次则只会点汽水、奶茶，坦言那些奶茶都太难喝。
提到许志安开骚在即，问会否为对方担任嘉宾？Dicky説：“唔使啦，人哋都一票难求，有毛有翼得㗎啦，自己飞啦！（有留飞畀你？）留飞？佢梗系有啦，我要嘅飞Cut咗我一半，都叫有嘅，得啦！”看见老友10多年后再开骚，Dicky直言替对方高兴，更认为对方可多开几场，他笑言：“冇期啦，可能红馆同老板都冇谂过佢咁好卖，下次开启德…篮球场，哈哈！”他坦言自己也喜爱唱歌，但从来没有开骚的梦想，会情愿将筹备演唱会的时间放在度剧本，至于Talk Show就更加没有考虑：“压力太大，度剧本内容好笑、唔好笑都好大压力，何况现场Talk Show要兜口兜面，唔好笑就尴尬。”他笑指即便自己入行纪念也是粉丝提他才记起日子，指自己对纪念日没慨念，问他结婚周年可会忘记？他説：“Everyday is Valentine’s day！甚至我阿妈生日都唔记得。（太太生日都唔记？）梗系记得啦！唔系话锡老婆唔锡阿妈，问题系老婆生日唔记得？会崩盘㗎！”