罗子溢赞杨茜尧投资稳阵：我净系识储钱

etin

艺人罗子溢、陈展鹏及赖慰玲近日齐齐获邀出席一个理财活动，引来全场起哄。子溢对于与展鹏及阿赖“合体”表现雀跃，他解释﹕“好难得三人同场，况且我同阿赖合作拍完《警是个大佬》后，大家真系好friend，倾凑仔之馀仲会倾戏，佢对演戏嘅热诚及角色嘅多变，好值得欣赏。”子溢谦称自己演戏不是科班出身，但勇于不耻下问﹕“我见人都会问㗎，之前同罗嘉良合作就问到佢怕咗我，哈哈﹗其实演戏最怕主观，啱嘅大家咪攞出嚟讨论啰，即使后辈可能喺生活某部份接触比我多，咁对角色设定好有帮助，啱都可以用嚟借镜。”谈到理财，子溢即表示太太杨茜尧比自己醒目﹕“佢投资好稳阵，唔进取，系‘食息派’，佢系我嘅理财顾问嚟㗎。（你完全冇投资？）我乜都唔识，净系识储钱，以前我妈咪试过喺区内搵到啲抵买嘅楼盘，最终我都冇出击，可能错过咗搵钱机会，但冇计！依家我都开始了解吓啲银行及保险产品，鬼叫以前冇老婆督促我咩？”