陈凯琳认有机会去《浪姐7》 竟希望自己讲错嘢？

etin

艺人陈凯琳（Garce）在大角咀出席活动，有传她将参与综艺真人骚《乘风2026》（浪姐7），她受访表示：“收到消息有机会去嘅，但系依家都系等待中，因为有啲细节仲未confirm，但系有冇都会做准备，如果真系要去，唱歌、跳舞唔系好叻，系好大嘅挑战，会搵老师、老公去学，但系依家都系等消息。”她又指过去登台会有唱歌机会，唱英文歌较有信心，自然也会唱老公郑嘉颖的歌曲《一千个愿意》。讲到嘉颖早年参加过内地真人骚《披荆斩棘3》可有向分享经验？Grace说：“如果系去首先要调节心理，因为睇嘅观众多好多，会多咗注目，嘉颖最担心系我嘅心理，因为大家会睇你个人嘅态度、努力，人哋嘅说话会唔会影响到你呢嘅心理质素呢﹖”对于节目首次以“全舞台直播”形式呈现可会有压力？她说：“自己只系有啲啲港姐直播经验，冇得修饰压力系会大啲，但好处系直接畀到观众睇到你嘅一面。”

Grace当年在无綫台庆将“奋不顾身”说错成“粉身碎骨” 最近在社交网翻heat成潮语，问到《浪姐7》直播可担心会说错话？她笑说：“好希望自己讲错嘢，咁大家又可以记一世，最近做嘢撞到丁子朗佢都有讲起‘粉身碎骨’最近成为潮语喎，几好呀自己可以攞嚟做搞笑话题。”讲到今届只有她一位香港艺人参与？她说：“系咩？未睇个名单，因为唔想畀自己太大压力，真系要去先了解。”她又指若然成行要好好作家庭安排，因嘉颖分享可能每次要离港两星期，但庆幸有好老公嘉颖配合照顾屋企，令她相当放心，她说：“嘉颖好鼓励我趁后生去做多啲嘢，话屋企交畀佢。”她又指没有刻意开拓内地市场，最近与到内地拍摄母女写真是只留念和庆祝妇女节，但机会到来也会好好把握。

对于同届港姐亚军蔡思贝日前正式宣布离巢，Grace指与思贝间中有联络，支持她未来的发展，觉得她是敬业乐业的演员和艺人，而作为过来人相当明白她现在的阶段，大家也会相当好奇她的发展动向，但希望大家也给予空间。问到可会分享当KOL的经验﹖她笑说：“如果佢有兴趣，当然可以，但要生三个仔先。最开心系同届港姐大家行嘅路唔同，大家各有发展系好美丽嘅事。”Grace近期分享人气马骝公仔令豪宅曝光，她指因拍片而借用了朋友屋企，透露过去拍片已借用过4、5个地方，笑言“屋企”加起来应该有3万尺，希望大家不要误会。讲到网民指她很自恋，家中放满自己的照片，Grace则说：“唔系㗎，我有啲唯美嘅性感大肚相，老公只系畀我放喺房，话唔想啲人嚟到望住好尴尬，同埋好多都系家庭相嚟。”一直保持窈窕身材的Grace最近分享连17岁的毕业裙也依然称身，她说：“呢条系二手裙嚟，但改仲贵过买，但妈咪话唔紧要人生毕业得一次，好似婚妙咁，所以保存到今日。”