宣萱成日唔记得一样嘢 惨被古天乐丧笃

etin

由古天乐、宣萱，林峯，朱鉴然主演的电影《寻秦记》日前接受电视台访问，畅谈新戏拍摄点滴。古仔指当年拍完剧集已有拍电影版念头，剧本也经过千挑万选：“我想达到大家有睇过嘅回忆，我觉得如果我哋戏外成长咗再拍会好啲。”宣萱收到邀请坦言感开心：“其实都听过，所以一话开就‘好！’”林峯就话：“我要对角色重新理解，角色嘅成长时间同真实嘅我哋一样。”新加入饰演古仔儿子的朱鉴然表示可参与新片感觉有趣：“因为我本身冇睇过剧集版，所以觉得好惊讶，好震撼。”不过宣萱就指拍摄时气氛比较凝重：“因为拍电视剧有监制同编剧，今次系古仔嘅戏，佢所有嘢都要管晒，变咗唔可以好似以前玩到咁癫。（以为你话要睇古老板嘅眉头眼额。）不嬲都要睇。”电影收录电视剧花絮，其中古仔点宣萱穴一幕令人爆笑，古仔解释：“因为佢成日唔记得对白，我咪笃吓佢，睇佢晕咗未。NG片我好大力笃佢，跟住佢唔记得对白，佢话‘我唔记得’。佢系成日唔记得对白，我话‘你呆咗呀！醒啦喂！’”宣萱即反驳：“有一段系唔记得对白，我唔系成日唔记得对白，有时啦！古装弱啲。”

而当年电视剧是林峯首出古装剧，他说好大镬：“因为角色成长跨度好大，我哋又唔系顺序拍，第一次拍古装头都大，一得闲就同所有前辈请教。”古仔与宣萱的友情源于无綫剧《餐餐有宋家》，而《寻秦记》则是古仔离开电视台前最后一部剧，他笑说：“我之后都冇拍电视剧，因为友情结束咗。”宣萱说与古仔性格相反。古仔补充：“以前拍戏仲离谱，佢1分钟都唔可以停口，除咗拍对白，依家好啲，可以去到2分钟，不停讲嘢。”宣萱说：“我对住你先系咁，我好怕冷场。（熟到可以NG时作状锡你？）玩咋嘛，好熟就可以，我又玩得佢又玩得。”古仔表示拍摄经过重重困难：“第一要咁多演员齐集，第二系拍摄时好多天灾，例如水浸。拍完之后啲人话系都市传说，大家忘记咗有几年疫情，中间有好多事发生，但系我最开心系无阻一班观众嘅热情，对呢部戏嘅期待，因为好难得有一部剧系廿几年前播，但大家仲好期待电影版。”