吴卓羲平安夜生图颜值见真章 全程揽实唔放一物

etin

艺人吴卓羲（Ron）近年力攻内地市场，成功打造“港圈颜值天花板”形象，系唔少女士心目中男神，而今个圣诞节，吴卓羲虽然要为娘家TVB拍摄重头剧《璀璨之城》赶工，但在平安夜佢都有争取时间见朋友，有网民分享街头野生捕获吴卓羲，同友人交谈甚欢，完全察觉唔到被偷拍，反而令佢“真面目”曝光！身穿棒球褛配阔脚裤嘅吴卓羲，一身“少年感”打扮够sharp醒，精神饱满，完全睇唔出已经46岁，加上佢Gel晒头一身战斗格，令生图流出后，大批网民惊叹佢保养得宜，洗版留言大赞：“呢个状态，最多咪30岁”、“好帅，颜值在线”、“状态好到爆炸”不过网民反而留意到吴卓羲一直紧抱靓酒于怀中，即估佢系去紧开P，庆祝平安夜。其实吴卓羲向来爱杯中物，好友林峯就封佢为“最强酒脚”，惟早年吴卓羲曾自爆挨坏身子伤及肝脏，本身已减少饮酒嘅佢，今次平安夜“酒不离手”，睇嚟佢都为佳节破戒。