方力申爱女提早出世 晒全家福宣布做老窦

etin

艺人方力申于今年情人节宣布与圈外女友叶萱（Maple）于美国结婚，，二人又于父亲节当当日公布Maple怀孕喜讯，一转眼，昨日（12日）方力申再有好消息，爱女Isla已经提早平安出世，母女平安。方力申上载片段，由入院准备到BB出院过程会公开。片中除咗见到Maple化好靓妆等爱女出世，过程中方力申亦贴心为惊人画面打格，佢自己亦亲手剪脐带，又半裸上身同Isla Skin to skin抱抱，慈父一面表露无遗，令人感动。方力申留言：“今日原本系我太太Maple嘅预产期，但系囡囡Isla太心急想见我哋，所以早几日已经出咗世喇。医生有帮Maple打咗支佢话都唔算好痛嘅无痛分娩针，令到佢生产非常顺利。Isla出世嘅时候有少少发烧，医生叫我哋唔使担心，并即刻帮Isla处理，当晚佢已经退烧。

Isla出世到今日，个样日日都喺度变，前日似我，寻日似我，然后今日竟然似阿妈，但之后又似番我，真系太神奇。2025年对我同Maple嚟讲真系太特别，整个经历，由结婚后Maple话可以生四个，到怀孕期间太辛苦佢就话最多生两个，然后依家Isla 出世之后，过程得到咁多support，佢就话可以生住三个先。嘻嘻，多谢晒，第四个等我迟啲再争取，我哋一两年后再见！”而Maple同囡囡Isla已经出院，一家三口更已经影好全家福，睇嚟方力申已经同Maple settle好晒，非常幸福。