陈家乐眼异常充血险盲 秘密停工5个月

etin

艺人陈家乐人生旅途曾跌落低谷，眼睛在无预警下突然剧痛充血至视力模糊，医生诊断后直指情况不容轻视，有机会失明。家乐随后停工5个月，专注治疗望尽快康复！由于要食足3个月药，导致心跳、失眠，忐忑不安，幸得到太太连诗雅及工作团队无限鼓励，令他重燃希望！英皇男神陈家乐于2023年中迎娶艺人连诗雅（Shiga），当时事业爱情两得意，万万料不到厄运原来正来袭！如今算是战胜病魔的他受访时娓娓道来：“有日换好衫想揸车去放狗，突然间只眼剧痛，真系好辛苦，仲要痛到呕，本来唔锺意睇医生嘅我都要屈服去医院，坐轮椅被推入急症室，本来医生话冇事，开咗特效药同眼药水叫我返屋企观察。”岂料两小时后药力散去，家乐情况比之前更严重，眼白全发红，睁开即吓怕太太，此时他心知不妙。

最终他找到一位权威眼科医生，诊症后始知绝非小事：“普通眼红可能只系眼角膜爆咗微丝血管，但原来我系眼球后方连接脑神经线嘅部分出咗问题，所以搞到眼压好高，但当时如果接受手术嘅话风险好大。医生同团队开咗好几次会，决定先用方法打疫苗入去，睇吓能唔能够止血先，当时我就开始谂，如果盲咗以后点算呢？我要照顾父母同啱啱结婚嘅太太喎，心情真系好差，亦唔敢同人倾诉！”住院期间，家乐只能默默的等待，无助感充斥着整个人，当时工作繁忙的Shiga每天要跑医院，无微不至照顾他，幸而约5天后家乐终有止血的迹象，两公婆才暂时放下心头大石，家乐说：“出院后要食足3个月药，就算依家每年都要返去覆诊一次，最离奇嘅系冇人知究竟发生乜事而染病。（当时放弃咗好多工作？）停咗工起码5个月，仲要食药后有副作用，经常失眠同心跳得好快。

嗰阵有试过戴住墨镜出嚟做嘢，逢人问我，我都话踢波整到，意图淡化件事，完全唔想有人知。”其实“出事”前，家乐得悉关锦鹏导演将监制英皇电影《像我这样的爱情》，鉴于对剧本及角色很有兴趣，他毛遂自荐希望获得一次试镜的机会：“点知得番嚟嘅答案系，佢哋想定咗女主角先，同埋觉得我嘅阳光形象同角色有反差，所以话要考虑，点知一等我就病咗喇！”然而命运总会安排“最合适的”出现，家乐休养期间突然接获剧组邀约：“当时我状态好差，但觉得点都要赴会，无论如何都要同人解释吓。佢哋知我出事后安慰我，仲肯听我讲心事，最终认为嗰刻我嘅人设好适合角色需要，都算系一拍即合啦！”经历了这次人生噩梦后，家乐得到前所未有的领悟，《像》片的拍摄，令他完全放低自己，与剧组齐齐创造了性义工“阿健”（角色名字）：“觉得有人陪我行呢条路，个心定咗，亦都同自己讲以后演戏唔可以放过自己，要揸到好实，观众先睇到你！大家讲得最多嘅大胆演出被安排喺中后期拍摄，我乜都冇谂豁咗出去，因为今次着重心灵赤裸远胜于肉体。（现实生活中嘅陈家乐，可唔可以好似性义工咁，性、爱分开睇？）唔得，性爱系合一嘅，点都要有Feel先可以行下一步。”