佘诗曼与病母面贴面庆生 搣甩头巾康复良好

etin

视后佘诗曼向来是圈中出名孝顺女，疼锡母亲，日前佢晒出二人合照，原来为新剧《新闻女王2》宣传忙爆嘅佢，专登同妈咪庆祝生日，二人仲面贴面合照，而佘妈妈亦终于唔使戴头巾，以全新短发示人：“我最爱嘅妈咪，生日快乐！寻日同你切蛋糕嘅时候，望住你笑到咪咪眼咁，冧晒！世上最奢侈嘅浪漫，唔系收到几多花、几多礼物。而系有人愿意将毕生嘅春天花喺你身上，爱你、保护你！妈咪：感恩有你！P.S 希望大家都要记得，好好拥抱身边爱你嘅人。趁仲嚟得切，用行动话佢知：你对我嚟讲，好重要。”其实去年畲妈妈现身斋宴时，因用头巾包头及夏天时身穿厚衣服、颈围布巾等，令网民怀疑佢身体出现问题。9月佘诗曼出席癌病活动时，佢仅表示病母性格乐观，依家仍努力康复中。