陈晓华转化负评 演戏治愈社恐

etin

无綫花旦陈晓华表面开朗，但原来一直受负面情绪影响，近年更遭受社恐困扰，直至去年才走出难关。她认为演戏可以疗愈人生，前辈郭晋安、黎耀祥及佘诗曼等人的每句名言及教诲，都让她终生受用。她现时全副心机投入演戏，皆因此举为她带来安全感，亦让她找到人生目标。今年踏入3字头的陈晓华（Hera）踏入人生另一阶段，由选美入行到成为无綫力捧花旦，7年来有不少“贵人”相助，获得不少好机会。她在现时热播中的台庆剧《金式森林》遇上既复杂又有发挥的角色，剧中与郭晋安谱忘年恋，由“小白兔”变为复仇“黑寡妇”，角色反差极大，她接受专访时坦言：“本身复仇系想好有气场去演，剧中安哥（郭晋安）走咗，知道老公系利用我，向来相信爱情嘅我顿时晴天霹雳，变咗一个支离破碎嘅女人，自己代入咗个角色后，由小白兔变成一个癫癫哋嘅怨妇，进入咗疯妇嘅世界，但好好玩，人生第一次感受到心碎嘅感觉。”Hera的演技不断进步，直言多得前辈加持，回想之前拍摄《新闻女王》时，佘诗曼第一场戏就对她当头棒喝，提点她要用真心演戏，才能感动观众，她说：“其实阿佘只系同我讲咗一句，但系呢句话好受用。

每个前辈都有名言，同黎耀祥拍《巾帼枭雄之悬崖》时，佢同我讲：‘你要识得珍惜，先至唔惊失去。’”今次与郭晋安合作，对方以另一方式点化她：“安哥系身教，佢好识得睇人嘅优点，我以前系鸡蛋里挑骨头嘅人，挑自己、挑人哋嘅缺点，同佢开工发现，点解佢睇到人哋优点，我就净系睇到缺点，觉得自己咁样唔好，改变之后，心情愉快咗、睇嘢唔同咗，冇以前咁执着，连演戏都会尝试唔同方法，无敌有用。”现时网络发达，无可避免会受到负评攻击，面对这些，过往Hera情绪犹如坐过山车大上大落，现在则成熟不少，懂得转化批评，情绪亦平稳得多，她说：“以前连自己都负评自己，最唔开心系认同负评，觉得自己真系好丑、好差、一事无成，以前容易畀人影响，畀人一句说话就打沉，一句说话又令到我好似飞到上天升仙咁。”后来她领悟到睇负评要转化、要“排毒”，向其他角度看，握紧自己宗旨就不会受影响，她指虽然未去到“佛系”百毒不侵，但已经大有改善。

面对外间的质疑，Hera情绪最受困扰时曾出现社恐情况，不愿出街，见到人会紧张到“硬晒軚”，她直言：“最严重系去到人多地方，会觉得时间好似过得好慢，一秒好似变咗一个钟咁长，有人行过会忍唔住望吓人，睇吓佢系咪望紧我？会惊同埋有好多质疑。”表面乐天的她原来一直受社恐困扰，直到去年才摆脱困局：“可能有阶段性，上年社恐去到尽头就消失咗，依家完全冇事。就算肥咗啲都唔会好惊，咪慢慢减啰，唔使咁大压力嘅。”走出社恐难关，全靠她找朋友倾诉及每日写日记，亦庆幸朋友介绍了一本书，教导她学习感恩，发现没有甚么好埋怨。

戏如人生，人生亦如戏，Hera指演戏疗愈了她的心灵：“真心讲演戏嘅路上，疗愈咗我整个人生，如果冇做演员，可能仲系好抑压、压力好大、好负能量，谂嘢好悲观，但呢段时间改变好多，变得正能量多咗，因为演一个角色，自己会用第二啲角度谂一件事，变成有同理心，慢慢个人完全唔同晒。”随住经历累积，Hera觉得人生也是时候要换一个想法，特别在郭晋安身上学到做人道理：“喺佢身边好安心，谂咗好耐呢份安心感觉系咩嚟？其实就系唔会畀人影响，知道自己做咩、想要咩。同埋学习佢只系睇到人嘅优点，依家自己都净系睇到人嘅优点，好锺意依家嘅状态。”