连诗雅缺乏安全感 幸与陈家乐修成正果

etin

艺人连诗雅（Shiga）近日接受电台访问，为产后复出的新歌《人生使用说明》宣传。Shiga与老公陈家乐因2019年拍摄旅游节目《12个夏天》而结缘，Shiga指当时都各有伴侣，故没想太多。及至翌年陈家乐邀请她上网上节目，适逢二人同时回复单身才开始约会。谈及陈家乐最初吸引她的原因，她说：“系纯品，有咁上下样貌嘅男仔，多数系花花公子。但佢反差好大，佢好老派，系夜晚要听收音机瞓，朝早饮茶睇报纸嗰啲！佢叫饭可以日日食同一款男人饭，同我最初想像嗰啲男人好唔同。而佢仲有种傻气，我亦欣赏佢嘅傻气，畀到我稳定、同佢一齐好有安全感。”Shiga形容陈家乐的浪漫就是给她放心，“对于我，就系好浪漫。譬如佢去边，他会自动自觉话：‘我到喇！我做紧乜呀！’我从来无话要check住佢，但系佢好愿意分享畀我听，我就觉得好浪漫。”

拍拖两年已让她感觉陈家乐能付托终生，原来是源于二人曾因疫情分隔两地三个月，Shiga坦言：“我超级讨厌Long D，但疫情最严重嘅时候，我好矛盾要返内地拍剧三个月。但嗰三个月，佢令我完全放心，嗰时我哋靠facetime见，佢会特登约我拍完剧各自返到屋企，一齐打开facetime食饭，临瞓又开住facetime拣一套戏一齐睇。真心觉得佢唔使做呢啲嘢，但系咁，佢就令我好安心。佢知我系一个缺乏安全感嘅人，佢就畀呢样嘢我，而佢咁有耐性做呢件事，就令我谂到佢系一个可以结婚嘅对象。”至于婚后不足一年就成功怀孕，Shiga直认是计划亦是意外：“系想有小朋友，所以无特别避孕，但无谂过咁快、咁顺利！”Shiga指自己生理期一向不准，大懵至怀孕两个多月才醒觉要验孕：“最初仲以为感冒头晕，系两个几月先试吓验。发现真嘅时候，系好surprise。”

她更指陈家乐得悉自己要当爸爸时，不如外间想像般激动：“嗰日佢放工返嚟，我嗰刻好开心又有好多情绪，佢一开门我就爆喊，佢即刻问我：‘乜事？做乜事？’我喊住话：‘你做爸爸啦！’佢好冷静话：‘咁咪好啰！我哋系想有小朋友嘛。’或者当时太突然，佢无太大感受，系隔咗几日佢陪我去产检，当佢睇到个mon，再听到BB‘噗噗’嘅心跳声，佢就流眼泪，我哋两个都一齐流眼泪。”Shiga不讳言首胎就是想生女，不过老公以前恨生仔：“佢想同囝囝一齐做运动，但因为我哋屋企有一对狗狗系一仔一女，佢好嗲个女，就话有个女都系好sweet。”刚产后复出的她被问到是否暂没计划追多个？她说：“我自己随缘，老公系想，佢想有个囝囝，佢成日讲笑话：‘唔生啦，除非下一个系仔啦！’但唔系你计划就有，真系随缘，我依家系学识去感受同活在当下。”