高海宁茹素有原因 点知有日想食叉烧点算

etin

艺人高海宁（高Ling）与蔡景行（行仔）最近为TVB Plus节目《美食新闻报道》担任嘉宾，曾是素食者的高Ling试食了多间素菜餐厅，讲到茹素原因，高Ling透露因有段时期个人比较混乱，很多事想不通︰“迷茫到唔知点算，我需要求助一啲嘢，试吓食素食咗之后发觉个心冇咁慌张，会平静番落嚟，嗰人定好多。”不过，她到近年已经重新开始吃荤，她解释︰“有一日忽然好想食叉烧，身边朋友问我到底为咗乜嘢去食素呢？谂谂吓其实冇㗎，无限定时间，纯粹觉得嗰下我需要，我就食，呢一刻我觉得好番，所以食番肉。”她认为食素是一种生活态度，想清理一下细胞的人，可以尝试。

另外，期间高Ling笑言跟行仔食饭感觉好像带了亲弟弟一样：“因为佢又好锺意食肉，我当然尊重佢。我成日同佢讲你人生都未开始，可以试唔同嘅嘢，锺意做乜都得，你去试啦。后生可以有好多犯错机会，重新嚟过。你唔使养家，有我喺度。”行仔对此非常认同︰“家人都系咁同我讲，所以我依家先坐咗喺度。”