“七魔女”水着放题！佘诗曼晒鱼网泳装玩透视诱惑

etin

视后佘诗曼（阿佘）近日孖“七魔女”嘅好姊妹周家蔚、汤盈盈、梁靖琪、文颂娴、姚乐怡同锺丽淇一齐去泰国旅行，享受阳光与海滩，早前阿佘已经有晒出戴住黑超，着住吊带衫喺泳池旁边影嘅自拍，不过当时就未有晒出全身相，令一众网民都好期待佢可以大晒泳装派福利，到咗昨日佢终于一圆网民心愿，喺社交网晒出一系列泳照，以鱼网泳装上阵，大玩透视诱惑，佢嘅白滑肌肤同样抢Fo，网民大赞佢逆龄有术，系名副其实嘅美魔女呀！唔知阿佘系咪见大批网民留言畀Like，佢之后再出Post大晒阿佘孖一众好姊妹着上泳装嘅大合照，实行加码派福利，不过合照中就未见文颂娴入镜，令网民都感到可惜，嗌阿佘可唔可以再Post多啲相啰！