|
名模熊黛林依家正身在国际影坛盛事《第77届康城电影节》活动上,昨日(15日)佢以一袭芭比粉长裙现身,明艳照人。不过佢未出发先兴奋,佢喺社交网上载咗现身红地毡前嘅准备,不得不赞叹美女嘅身心保养嘅重要性。​熊黛林指自己今次系获品牌邀请出席康城电影节红地毡,所以都食好住好。佢先带大家嚟个room tour,介绍自己今次住间400年历史古堡嘅“贵族房”,佢仲透露房中所有嘢都系全新古董,令佢觉得自己好似系“睡在城堡里的王后”,极有气派!佢又晒出红地毡邀请函,之后又去食法国大餐,睇到网友流晒口水。不过佢今次最大嘅准备,就系去到法国古堡做有400年历史嘅spa。佢换上浴袍、头巾被法国技师按摩,大赞体验感超正,做完之后皮肤状态都变得好好,难怪佢索颜上阵都一样有焕然一新嘅Feel,仲话过程舒服到瞓着。
|
|