|
艺人关楚耀结婚半年,但仍未举行婚礼,他宣布5月底还太太一个完美婚礼,并扬言会满足对方心愿努力操肌,他称婚礼后会积极造人,最希望凑成一个好字。关楚耀(Kelvin)去年11月跟拍拖6年的圈外女友Joann拉埋天窗,不过,当时两人只进行了简单的签字仪式,未有行礼,近日Kelvin宣布将于本月底在东南亚补办婚礼。他表示婚礼交由太太话事,自己负责畀钱:“我冇特别要求,最重要系太太开心,我系好冇仪式感,亦唔系太浪漫嘅人,求婚已经绞尽脑汁,畀咗个惊喜太太,老婆都赞OK、有进步。(婚礼有咩惊喜?)会讲爱的宣言同唱情歌,我估我到时会喊。”问到契爷谭咏麟会否出席?他说:“问咗佢唔得闲,之前签字,佢已经送咗利是同龙凤鈪。(佢有冇过两招生仔秘技畀你?)未过。(想唔想?)紧系想啦!”
Kelvin感恩遇到太太,陪他挨过事业高低潮,而前年意外受伤更成结婚契机:“2022年开拍《一舞倾城》前个几月,我踩单车发生意外,左边锁骨弹起咗,要做手术,喺左边脚抽一条筋放入左边锁骨,手术后由起居饮食到冲凉都系女友照顾,感觉佢已经唔止系女友,而系老婆咁,当时真系好感动。”他大赞老婆聪明、能干又孝顺,给她99分。讲到婚前婚后的分别,Kelvin自言现时心态上多了份责任,整个人更稳重,外貌上则是多了个幸福小肚腩:“因为有人认头就比较颓。(会唔会为婚礼操肌?)要,太太每日都同我讲,你真系要做运动,我话我以前都有腹肌,依家唔使啦,佢话冇享用过,不过佢都锺意我有个肚腩,有安全感。”他指操肌要有很大决心及动力,而其动力来自生儿育女:“我计划婚礼后造人生小朋友,我阿妹早前生咗个仔,佢真系好得意,感觉有个小朋友整个家庭圆满好多。
|
|