|
三料视后佘诗曼出名人好又贴地,圈中好友众,镜头外更系Nice爆做亲民天花板,所以佢好评如潮,个个都好锺意佢。不过日前有网友竟然偷拍到佘诗曼“真面目”,平时人前劲好人嘅佢,忽然态度180度转变,搞到小粉丝怕怕!​因为身处武汉天河机场嘅佢,企喺check in柜位前,又刚办完登机手续,正当佢准备离开时,就有一名小女孩上前询问佘诗曼可否合照,小女孩礼貌问道:“姐姐可以合影吗?”点知出名友善嘅佘诗曼竟然一脸严肃,仲大动作摇摇头拒绝,吓到该名小女孩都后退两步。好在佘诗曼好快就“变脸”露出甜笑,开心咁同小朋友讲:“开玩笑啦!”又半蹲同小女孩合照,走嗰时仲摸摸女童面珠,尽显超强亲和力,不过佢就太贪玩,搞到差啲吓亲小朋友喇。另外,当日阿佘排队离境期间同粉丝倾偈嗰阵,有个男人突然喺佢身后冲上前,超近距离望住佢,令佢都吓亲即时退后一步,露出本能反应眯大对眼望向对方,好在佢EQ极高并冇同对方发生冲突,笑笑口咁望返向粉丝,仲伸脷扮可爱,缓和现场气氛,网民都大赞佢脾气极好呀!
|
|