高海宁唔够休息 颈上生“两粒嘢”及大硬块急求救

etin

无綫花旦高海宁（高Ling）最近忙于拍摄真人骚《无限超越班2》，忙到冇停手嘅佢，虽然内地人气日渐高企，但系反而佢就变相冇咩时间休息，日前（2日）佢就上载多张自己攰爆周围瞓嘅相，当中仲见到佢依偎喺饼印妈咪膊头上瞓着咗，令到粉丝心疼女神。不过唔够休息真系会出事，前日（3日）佢就上载一张后颈相，留言指自己无啦啦生咗两粒嘢，颈上更有两个大硬块：“今朝突然摸到颈部有两粒嘢凸咗出嚟 一粒大一粒细，唔痕唔痛！头皮接近颈部嘅位置也有两个大硬块都集中喺左面。请问睇医生我应该睇咩科？”