蒋家旻潜水半个月报平安 经历手术低潮悟人生

etin

去年喺台庆颁奖礼夺“最佳女配角”嘅蒋家旻，16日突然喺社交网分享喺医院打点滴嘅相，并透露自己因为盲肠炎要即刻入医院做手术外，仲冇得跟剧组《法证先锋6》去日本取景，认真惨惨猪。而时隔2周，蒋家旻亦终于蒲头，同粉丝分享近况。蒋家旻日前喺社交网晒出自拍照，表示目前康复进度唔错：“尽管精神良好，但上腹里面还有一点疼痛。大动作或太使劲的运动也要稍后才能做。虽然现在甚么都能吃，不过肠道还没完全适应，油腻或刺激性食物，尤其零食，吃过后刺激胃部导致剧痛，所以最近还是要吃得清淡一点。”并分享道为咗令肠道恢复蠕动功能，手术后亦改变咗啲饮食习惯，例如直到依家都会慢慢咀嚼食物，咬碎后先吞落肚。