陈嘉慧扮毁容鬼疯狂尖叫 最难系忍笑

etin

无綫剧《本尊就位》正在热播中，剧中陈嘉慧（Erica）与韦家雄有不少对手戏，除了嘉慧要连环讲鬼故及扮鬼吓韦家雄外，二人更有不少“拖手仔”戏，家雄的“急色”样更是咸湿不足、搞笑有馀，与之前《旁观者》中的猥亵状态完全不同层次，绝对“演嗰样似嗰样”。谈到与家雄合作，Erica坦言获益良多，只是副作用是要焗蟹（忍笑）：“好开心可以同家雄哥合作，佢系好资深嘅前辈，佢拍剧好有自己风格同节奏，仲要系好难模仿到，真系好值得学习。我都有听过个个同佢合作拍戏都忍唔到笑，我同佢拍时都系咁，佢成日用气声嗌‘雪花’（拉长尾音），仲要唔知点解啲对白同动作一经过佢，就即刻好有喜感。”

谈到剧中角色自毁花容扮鬼，Erica透露相关“交叉疤痕”原来相当考功夫：“个交叉疤痕系要事前整好晒嘅，化妆同事好好、用咗好多时间研究点样可以像真啲，因为每一次康复程度唔一样，所以血嘅深浅都会唔同。”她续指为了扮鬼，足足大叫了一整个晚上：“我全程鬼叫咗成晚，叫到喉咙都痛埋；因为要就角度，拍咗好多Take。”在官方释出的NG片段中，Erica与家雄演对手戏确是错漏百出，除了说话走音，更连环忘词兼错讲英文，令家雄哭笑不得。另Erica扮鬼望后怒吼一幕，因为韦家雄夹来夹去抓不准Timing，结果令二人险些真咀，家雄因而吓至眼都凸，场面爆笑。