张宝儿自爆产后生红疹 囝囝冇人奶饮担心到想喊

etin

艺人张宝儿去年年底诞下同袁伟豪嘅爱情结晶品“袁咕碌”，并不时透过社交网同粉丝分享生活点滴及育婴心得嘅佢，继早前分享喺内地坐月嘅心得后，日前更透露原来自己坐月期间竟然因抗生素敏感生红疹外，仲因为囝囝冇得饮人奶担心到想喊，认真惨惨猪。另外，身为新手爸妈嘅张宝儿及袁伟豪，亦分享道第一胎会拣开刀生产嘅原因之一：“因为我爸爸话开刀生BB个头会圆啲，可以保护BB。”之馀，张宝儿亦坦言最重要系因为坐月期间袁伟豪喺深圳拍剧，剖腹产子更同时方便老公预早向剧组请假，陪佢生产。同时，张宝儿大赞囝囝未出世就已经好锡妈咪，因为怀孕期间唔辛苦外，生产过程顺利得嚟又快唔痛，最重要系产后去厕所都冇任何困难不适。最后，张宝儿亦不忘激赞囝囝袁咕碌听话肯饮奶嘅同时，张宝儿亦透露自己奶量大，现时更可以喂全母乳。