陈凯琳细仔Carlos生日 哥哥肉紧揽实锡到燶

etin

前港姐陈凯琳（Grace）嫁给郑嘉颖后，育有大仔郑承悦（Rafael）、二仔郑承亮（Yannick）及细仔Carlos，一家五口生活幸福美满。而前日（11日）系细仔Carlos嘅1岁生日，向来积极经营社交网嘅Grace，亦喺社交网晒出为囝囝开生日Party嘅片段，并写道： “Carlos这个名字的意思是自由的人，希望你一直可以自由开心的成长，自由的去爱、去生活、去选择你的未来，只需要记住我们永远爱你！”只见Grace分享嘅影片中，记录咗囝囝Carlos自出世后嘅成长点滴外，2个哥哥Rafael及Yannick都相当锡细佬，不时向细佬献热吻之馀，仲会肉紧揽实细佬，3兄弟感情认真深厚，同时亦引嚟唔少网友留言祝福：“Car Car万千宠爱集一身呀！”、“哥哥好锡细佬！”、“一家人好幸福！”、“三个囝囝都好得意！”