姚焯菲唔敢学炎明熹卖性感：我留意佢个样

etin

艺人姚焯菲（Chantel）日前（30日）于新城电台颁奖礼上，获颁发“劲爆跃进歌手”，以及凭歌曲《这个姿态》夺得“劲爆新媒体歌曲”。谈到“飞跃”，她搞笑谓：“我真系‘飞’返嚟攞奖嘅，其实我冇谂过会攞“飞跃女歌手”，所以头先上台我都唔知讲乜好。”她感性表示自己出道两年多，共推出了4首歌：“我觉得一路有唔同嘅变化，每首歌都有突破，得奖系种肯定，希望嚟紧可以多啲唱跳，或者做多啲大家想像唔到嘅嘢。（觉得今年点样‘飞跃’？）今年唱功稳阵咗啰，同埋《小出走》都畀到大家大开眼界嘅曲风，平时我唱慢歌多，但其实呢种曲风先系我嘅强项，一路都未骚出嚟畀大家睇，觉得唱得好舒服。”
提到她出道以来在新城颁奖礼从未“断缆”，年年得奖，她笑说：“好开心有咁嘅成绩，一直都好想得到大家嘅肯定，希望每年都得奖，系对我嘅鼓励及强心针，令我知道大家系咪喜欢我嘅新曲风，可以更勇敢咁去求变化。”问她可会效法好友炎明熹，以性感打扮亮相，她笑答：“其实头先我留意佢个样多啲，真系好靓。咁着真系要好似佢咁瘦先得，呢方面我要好努力。（瘦呢方面输畀佢？）我又唔系一定要减到好瘦，其实每人都有自己嘅特点。（咁你嘅特别系乜？）可爱同Baby Fat啰，讲出嚟都真系有啲尴尬。”