胡杏儿美国开骚老公带囝囝捧场 靓女新朋友意外抢Fo

etin

艺人胡杏儿最近同“胡说八道会”嘅一众姊妹到美国举行《胡说八道Girls Night世界巡回演唱会》，而老公李乘德（Philip）亦化身“跟得老公”，带住二仔李奕霖（Ryan）及三子李奕宏（Liam），齐齐去睇妈咪舞台上嘅英姿。另外，Philip昨日（29日）亦喺社交网晒出多张美国游玩嘅靓相，并透露带咗2个囝囝去同当地嘅好友见面，相中可见Philip嘅2个囝囝同多位女仔朋友玩得相当投契外，其中一张2个囝囝同3个女仔瞓喺商场梳化上，灿烂笑容嘅合照，引嚟唔少网友羡慕“艳福不浅”之馀，更有唔少网友激赞Philip朋友嘅女儿们都相当靓女，长相标致可人得嚟，简直系天生嘅美人胚。