孙慧雪6岁大仔感染腺病毒入院 持续40度高烧1星期未退

etin

艺人孙慧雪同有米老公于2017年生咗大仔“水哥”罗骏滐（Riley），到咗今年7月就生咗细仔“肉肉哥”Rian，一家四口幸福满泻！但系佢昨日（26日）喺社交网晒咗6岁大仔入院，卧病在床插住喉嘅相，留言：“Riley真系好乖，自己入咗医院，唔舒服都仲凼细佬，第一次入院，妈妈真系好心痛。”佢发文交代大仔病情，指Riley感染腺病毒，目前情况稳定，不过连续发烧几日唔退，仲烧到40.4度：“佢嘅温度仍然时高时低，如果系平时嘅感冒发烧，Riley一日就会好番，平时嘅佢亦都唔容易病。”幸好Riley精神不俗，行得走得，仲有对住镜头笑，孙慧雪叫大家放心，不过Riley仲未可以出院：“今日已经系佢住院嘅第四日啦！精神好咗好多，但系都会突然又烧番，所以仲未可以出院！”一众网民都表示好担心，而好友赵希洛以及同样有小朋友嘅洪永城、林子善、杨洛婷等，都有向孙慧雪送上慰问，并希望Riley可以早日康复。