陈家乐大谈婚姻观 追求稳定畀到信心老婆

etin

艺人陈家乐、卫诗雅演的英皇电影《不日成婚2》，乃两年前首集的延续篇，原班人马再度参演，大家将会成熟地去梳理首集留下来的课题，同样也会遇上更大的难题。不过，剧中一众演员就表示自己与角色对婚姻的观念大不同。刚于今年完婚的陈家乐，坦言现时追求稳定：“我同角色好大唔同，角色唔系好知道想要啲咩，冇谂过点样进化同女朋友嘅关系，而我自己会希望早啲结婚，稳定啲，畀到多啲信心自己同身边嘅人。”
而片中默默付出的卫诗雅谦虚指难以像角色般不停牺牲：“角色系付出型，好大爱，为咗男朋友可以牺牲好多、现实中自己冇咁伟大，真系未必可以做到咁。”片中爱互相质疑的朱柏康和谈善言，则异口同声说现实中想法大不同，朱柏康笑言：“我同角色好唔同，今次个角色已经蜕变到一个Family Man，我唔敢讲自己能唔能够做到。反而疑心重呢方面，自我存在价值开始降低，呢方面会有啲似。”谈善言自言感情上不想控制太多：“片入面我系掌控型，软硬兼施想控制住段婚姻，我相信如果我结婚，未必会想处理咁多嘢。”杨偲泳就笑指处理婚姻上面会一切随缘，见步行步。