李元元抱起坠手细妹冇难度 Sucy变身生命面包劲得意

etin

艺人李璨琛嘅两个囡囡都非常精灵可爱，大女李元元（Lucy）向来都系大家嘅开心果，细女李斐斐（Sucy）一出世因为得意可爱嘅样子，亦深受网民喜爱。Lucy妈昨日就喺社交网分享佢哋喺屋企开心玩耍嘅画面，并写道：“被偶像(阿家姐仔)从后环抱，阿妹显得格外开心。”相中Lucy人仔细细，却力大无穷，虽然细妹好坠手，但抱起佢完全不在话下。畀家姐从后环抱住，Sucy对镜头一脸开心，相当享受！仲有网民打趣到，穿着蓝色格纹睡衣嘅Sucy好似一条生命面包，不过亦发现细妹额头有红印，唔知系咪唔小心整亲呢。