陈凯琳孖粉丝聚会庆入行10周年 与郑嘉颖深情对白翻Loop

etin

前港姐冠军陈凯琳（Grace）同老公郑嘉颖出名系恩爱夫妻，婚后育有3个仔，一家五口幸福满泻！今年系Grace入行10周年，早前佢一班粉丝聚会庆祝粉丝会成立10周年，由于之前因疫情关系，粉丝同Grace几年冇见，呢次难得相聚，粉丝们都纷纷卖口乖赞陈凯琳愈来愈靓，现场仲翻Loop陈凯琳同郑嘉颖当年嘅深情对白添！​临近万圣节，现场有唔少万圣节嘅装饰，粉丝准备多个有陈凯琳中英文名字的彩色灯牌、代表爱嘅心形气球、当然唔少蛋糕同小食啦！聚会上粉丝带咗自己珍藏嘅陈凯琳相片，仲有陈凯琳相关报道刊物等，同大家分享，当中最受注目嘅系，现场播放陈凯琳同郑嘉颖情侣档演出嘅定情剧《僵》，郑嘉颖于剧中含情脉脉望住陈凯琳话：“系你令我呢个人生不再孤单。”陈凯琳深情回应话：“去每一个地方，我都会喺你身边。”真系闪爆全场呀！