何雁诗自爆产后焦虑丧喊 叹职场妈咪唔易做挨到病

etin

歌手何雁诗上年为老公郑俊弘诞下儿子Asher，休息一后时间之后，回归乐坛，最近仲签咗新公司，亲自创作同监制新歌。事业心重嘅佢自爆产后曾受贺尔蒙影响，而情绪陷焦虑，会冇啦啦突然爆喊，好在调理身体后，情况就有好转。佢日前于社交网大晒多张生活照，分享职场妈妈点样平衡工作、家庭、爱情同朋友，佢仲呻冇晒私人时间，同生B后冇得同老公二人世界，留言：“该怎么拿平衡？老实说我也不知道，私人时间跟工作有时候混在一起，馀下时间留给宝宝，最近连拍拖时间也没了，到放假时候，我就生病了，大热天时着凉，吃了药整天待在床上，谢谢您们，包容我！”而喺近照中，睇到依家1岁大嘅儿子Asher愈大愈似妈咪，有又大又圆嘅大眼睛，双眼皮深邃，十足同妈妈饼印一样，而郑俊弘仲好肉紧咁锡囝囝面珠，吓到囝囝好惊咁皱眉擘大个口，认真搞笑！