孖郭蔼明冧猪游日 刘青云锡老婆唔畀拎重嘢

etin

圈中出名系“爱妻号”嘅影帝刘青云，近日被网友偶遇佢同太太郭蔼明现身日本街头，二人当时身处东京原宿马路街头，只见戴口罩、着长袖衬短裤嘅刘青云，一手拎住多袋战利品，虽然戴帽低调湿平，不过都依然被网友认出。身旁嘅郭蔼明全程低头揿电话，网友即爆料称二人系等紧call的士：“可惜我在对面车道开车，只能眼巴巴的看着。看着刘青云和他老婆打出租车，恨不得我的车就是出租车的。”佢仲透露曾叫二人搭自己顺风车，不过刘青云就对佢招手，加上该网友架车当时唔可以掉头，所以都帮唔到手。网民继而大赞郭蔼明又白又瘦有气质，刘青云负责拎重嘢，更系贴心好老公代表人物。