何雁诗做体育主持圆梦 工作行先唔急再生B

etin

艺人何雁诗与赵慧珊（Aka）昨午（26日）出席公开活动，何雁诗透露将担任电视台节目主持：“2010年我系哥尔夫球港队代表于广州比赛，担任体育主持系我多年心愿，今次能够坐喺录影厂欣赏赛事，加上我嘅好朋友到时亦会出赛，能够观战支持佢都好开心。（回忆返晒嚟？）系，我头先见到有好多今年会参与嘅朋友（运动员），其实2010年都有作赛，世界好似好细咁，10几岁嘅美好回忆全部返晒嚟！”
​Aka虽未被安排当主持，但热衷跳舞的她对本届新增的霹雳舞赛事大感兴趣：“我本身学芭蕾舞到8级，又有学K Pop同Jazz Funk，好希望能够飞过去临场欣赏，相信感动位会仲高，亦好想学嘢。同埋我都好想睇港队最劲嘅游水同剑击。”

何雁诗即接口自爆：“除咗哥尔夫球，我最想睇电竞，我自己好锺意打机，之前被推入产房，打完麻醉针我都仲喺度打机，因为想分散注意力，而当时玩紧嘅游戏，成为咗电竞比赛项目之一，希望到时有份评述。”至于老公郑俊弘明言想再生，她说：“佢想啫，嚟紧半年我会集中火力做音乐先，依家都学识咗放松，有时交由屋企人帮手照顾BB，咁老公都系神队友，我出嚟做嘢佢好肯帮手凑。”