郑欣宜离奇失联兼停工2个月 被传“恋爱脑”走佬拍拖

etin

歌手郑欣宜（Joyce）近年再创事业巅峰，上月更分别勇夺“最优秀流行女歌手大奖”及“年度女歌手金奖”，不过可惜最后欣宜因身体不适，都缺席颁奖礼，事后连得奖感言及病情至今都未有透露点滴。成2个月未有喺公开场合露面嘅欣宜，对上一次更新社交网已经系4月26日同发型师Benjamin嘅合照。而欣宜潜水至今，除被传“扭计”唔肯开工，连经理人公司都联络唔到外，更有传欣宜“恋爱脑”挂住拍拖唔肯做嘢。据悉，欣宜现时男友Derek曾远赴英国留学，如今则喺香港开花店，年龄方面就大欣宜3岁，甚至喺今年情人节，欣宜更企喺男友Derek花店前打卡放闪。
另外，于上周生日嘅欣宜亦被捕捉到同男友去日本主题乐园畅玩嘅身影，同行仲有发型师Benjamin做烟幕弹，而欣宜睇嚟亦十分保护是次恋情。东网联络上佢嘅经理人林姗姗，佢就透露欣宜只系病咗，仲嗌大家畀啲时间佢休息。