何超莲窦骁婚后度蜜月甜到漏 罕露少女情怀

etin

啱啱升呢做人妻嘅何超莲，不时因宽松打扮就被网友捕风捉影指孕味浓，质疑可能系奉子成婚，面对呢啲传闻何超莲都一律懒理不回应，直至近日同老公窦骁去咗美国玩嘅佢，竟然罕见拍片晒出自己同老公喺乐园玩机动游戏嘅影片，疑似系以行动打破怀孕传闻。只见坐系窦骁后面嘅何超莲，做足保护措施由头包到落脚，戴住Cap帽着晒防晒衣玩激流，当船开始向下俯冲之际何超莲仲惊到连环尖叫，罕见露出少女一面。至于坐前面兼负责摄影嘅窦骁擘大口狂嗌，搞到成口都系水，相当搞笑。