张栢芝身材Fit爆打破佗B传闻 反被网民催生个女

etin

育有三子嘅艺人张栢芝，出道多年保养有道，更不时透过社交网分享冻龄心得。不过自从2018年秘密诞下孻仔Marcus，并未公开生父身份后，外界不时就会流传张栢芝又有第4胎嘅消息，甚至只要肥咗少少或较少公开现身等，就会畀网友咬定有咗唔敢露肚，即使佢曾公开辟谣都冇乜用！至于最近又再盛传佢佗B一事，张栢芝虽然一于懒理不作回应，不过就喺社交网晒自己出Trip旅行嘅影片，并着上浅色衬衫配紧身牛仔裤激晒小蛮腰，间接否认又再怀孕一事。而片中少女味浓嘅张栢芝，获粉丝力撑辟谣外，亦有留言催佢生个女：“生个女儿吧！一定要把美貌传下去啊！”