陈自瑶做“最美姊妹” 疯传收131万4千蚊开门利是

etin

艺人陈自瑶（Yoyo）昨日担任连诗雅伴娘，梁诺妍及黎纪君等任姊妹团，问Yoyo是否收了131万4千开门利是？她否认：“封利是OK，但个数冇咁夸张，佢系畀港币嘅。”提到另一好闺蜜黄翠如未能参与婚礼，她解释：“系，因为佢去咗拍旅游节目，其实佢好早已经度咗期出席婚礼，但有时要飞就飞，要就成个拍摄组，唔系佢一个人可以话事，所以佢都好无奈同唔开心。（会唔会代佢送礼物？）佢会同诗雅沟通，我就送咗人情，仲有其他嘢，呢个系秘密。（会唔会催佢生小朋友？或者叫你个女帮佢跳床？）要搵个细啲嘅小朋友跳，我嗰个太大，我知佢都想生，但闺房嘢，佢哋自己处理，我好戥佢哋开心，希望佢哋好快有好消息。”
​讲到接新娘时有否准备辣招招呼新郎及兄弟团，Yoyo透露因为诗雅很喜欢美少女战士，所以就安排新郞及兄弟们穿上水手服载歌载舞：“不过我都觉得今日便宜咗新郎，佢玩玩吓坐低咗，其他游戏由兄弟出嚟顶，连啲兄弟都睇唔过眼要佢做啲高难度动作，所以今次玩得算系比较温和，大家都锡住新郞。”